Fréttir Gamla Bauks

Í dag hefst hátíðin Sail Húsavík og hafa bátar verið að koma til Húsvíkur í nokkra daga til þess að taka þátt. Í nótt komu nokkrir í viðbót; þar af seglskútur frá Færeyjum. Ég ræddi lítillega við nokkra áhafnarmeðlimi á Slúppunni Johanna og á Dragin sem er af tegund sem nefnist ‘ketch’ á ensku. Þeir sögðu mér að ferðin frá Færeyjum til Íslands hefði tekið um 2 og hálfann dag og að veðrið hefði að mestu verið gott þó þeir hefðu viljað meiri vind í seglin. Þeir virtust ánægðir með að vera komnir til Húsavíkur og höfðu margar spurningar um svæðið, Norðursiglingu og báta Norðursiglingar. Þeir voru mjög stoltir af bátunum sínum, sögðu mér hvar þeir hefðu verið byggðir, hvenær og hversu miklum hraða þeir höfðu náð á leiðinni hingað.

Sail Húsavík er norræn strandmenningarhátíð. Það verður ýmislegt að gerast á Húsavík í kringum hátíðina. Listasýningar, tónleikar og fyrirlestrar eru meðal þess sem verður í boði næstu vikuna. Þetta er fyrsta hátíðin af því sem ætlað er að verða árleg hátíðarhöld sem verða haldin í mismunandi landi ár hvert. Vonandi er þetta upphafið á einhverju stóru.

Trausti er einn af bátunum sem eru að heimsækja okkur á hátíðinni.

Fleiri bátar til sýnist og það virðist sem að skógur hafi sprottið á toppi Garðarshólms á einni nóttu.

Tveggja mastra slúppan Johanna frá Færeyjum.

Drekinn á Dragin.

Stýrið á Johanna.

Áttavitinn.

Örlítið nútímalegri leiðsögutæki.

Verið að stilla upp fyrir eina af fjölmörgum listasýningum á Sail Húsavík. Þessi heitir Listasviðasulta og þar sýna nokkrir listamenn af svæðinu

Fullt af fallegum bátum í höfninni í dag og fleiri á leiðinni.

Frekari upplýsingar um hátíðina er hægt að nálgast á sailhusavik.is.