Fréttir Gamla Bauks

Hinir árlegu Mærudagar hefjast núna á fimmtudaginn og eins og venjulega lítur út fyrir veðurblíðu og mikið fjölmenni!  Að sjálfsögðu verður þétt dagskrá á Gamla Bauk, og frítt inn öll kvöld!  

Í kvöld lýkur Sænskum dögum sem hófust á mánudag, og því mun Hera Ólafsdóttir ásamt hljómsveit flytja sænsk þjóðlög með djassbrag í Skipó.  Hefst það klukkan 20:30.  Barsvar verður síðan að því loknu, væntanlega í kringum 22:00.

Á fimmtudag, fyrsta dag Mærudaga, mun hljómsveitin Dætrasynir spila.

Föstudagskvöldið taka svo S.O.S., sem spiluðu einnig í fyrra við góðar undirtektir.

Á laugardag mun svo danshljómsveitin Hommar sjá til þess enginn viðstaddra láti dansgólfið framhjá sér fara.

Vonandi helst góða veðrið.  Sænski fáninn uppi í tilefni af Sænskum dögum.