Fréttir á vef Gamla Bauks

Föstudagskvöldið sl. léku góðir gestir við hvurn sinn fingur í Skipasmíðastöðinni á Bauknum.   Snorri Helgason úr Sprengjuhöllinni hitaði upp með frumsömdu efni sem gekk ljúflega í gesti.  Þvínæst tóku við Sigríður Thorlacius & Heiðurspiltar og fluttu frábærlega eigið efni og annarra, þá aðallega lög þeirra bræðra Jóns Múla og Jónasar Árnasona.

Eftir hlé stigu 8 meðlimir Hjaltalín á stokk og heilluðu salinn uppúr skónum með skemmtilegri sviðsframkomu, frábærri innlifun og glæsilegum flutningi. 

Gamli Baukur þakkar þeim kærlega fyrir komuna.

Guðmundur Óskar Guðmundsson á bassa og Högni Egilsson á gítar

Rebekka Bryndís Björnsdóttir - fagott, Sigríður Thorlacius - söngur og Axel Haraldsson - trommur

Guðmundur Óskar Guðmundsson - bassi.  Högni Egilsson - söngur og gítar. Viktor Örn Árnason - fiðla. Hjörtur Ingvi Jóhannsson - hljómborð.